(Ռատիօ Վատիկան) Յառաջիկայ կիրակի 17 Մայիսին, Հռոմի Լատերանեան Սուրբ Յովհաննէսի Պազիլիքայի տարածքին տեղի կ՛ունենայ Ժողովուրդներու ԻԴ Տօնախմբութիւնը որուն այս տարուայ բնաբանն է ''Եկեղեցի առանց Սահմանի''։
Ձեռնարկը կազմակերպուած է Սքալապրինեան միաբանութեան միսիոնարներու, Հռոմի թեմի գաղթականներու հովուական խնամակալութեան գրասենեակի եւ թեմական Քարիթասի կողմէ համագործակցութեամբ Հռոմի մէջ ապրող օտար հասարակութիւններու եւ Հռոմի քաղաքական իշխանութիւններու։
Ժամը 12-ին նախատեսուած է Սուրբ պատարագ Սուրբ Յովհաննէսի Պազիլիքաին մէջ նախագահութեամբ Կարդինալ Ֆրանչէսքօ Մոնթենեկրոյի` Իտալիոյ եպիսկոպոսաց համահաւաք դասի գաղթականներու ի սպաս խորհուրդի նախագահ եւ նախագահ Միկրանթէս Հիմնարկի։
Ձեռնարկը կ՛ուզէ յատկանշել գաղթականներու ներկայութեան կարեւորութիւնը Հռոմի թեմէն ներս, եկեղեցական եւ ընկերային գետնի վրայ։
All the contents on this site are copyrighted ©. |